Poytaxtimizda “Toshkent osmoni ostidagi musiqiy hayrat” deb nomlangan katta gala-konsert bo‘lib o‘tdi
2024-09-06 20:00:00 / Yangiliklar
Poytaxtimizda Alisher Navoiy nomidagi O‘zbekiston davlat akademik katta teatrining 95-ijodiy mavsumi ochilishiga bag‘ishlangan “Toshkent osmoni ostidagi musiqiy hayrat” deb nomlangan katta gala-konsert bo‘lib o‘tdi.
Ochiq osmon ostida tashkil etilgan ushbu konsert dasturiga musiqa ixlosmandlari, xorijiy diplomatik korpus va xalqaro tashkilotlar vakillari, sayyohlar taklif etildi.
Ushbu gala-konsertda Alisher Navoiy nomidagi O'zbekiston davlat akademik katta teatrining yetakchi solistlari, teatr simfonik orkestri hamda jahonga mashhur opera yulduzlari o'z chiqishlari bilan ishtirok etishdi.
Ochiq osmon ostida o‘tkazilgan gala-konserti dasturidan milliy va jahon opera san'atining eng sara namunalari o‘rin oldi.
Konsertda orkestrga teatr bosh dirijyori, belorussiyalik maestro Vyacheslav Chernuxo-Volich hamda maestro A’zamxon Ahmedov boshchilik qildi.
Sahnalashtiruvchi rejissyor – Rossiyalik taniqli rejissyor Konstantin Kamynin bo'ldi. Dastur davomida O‘zbekiston xalq artistlar Ramiz Usmonov, Samandar Alimov, Oʻzbekiston xalq artisti, xalqaro tanlovlar laureati, xonanda va bastakor Mansur Toshmatov, O‘zbekistonda xizmat ko‘rsatgan artistlar Ma’suma Boltaboyeva, Kirill Borchaninov, teatr yetakchi opera solistlaridan Malika Normatova, Lenara Zokirova, Rahim Mirzakamalov, Navroʻza Mamarajabova, Umid Isroilov, Aziza Muhamedova, Muhammadali Joʻrayev, Oʻzbekistonda xizmat koʻrstagan artist, yetakchi balet artisti Nodira Hamrayeva, balet artistlari Valeriya Borsi, Doniyor Xasmanov, Maftuna Xusniddinova, Elmira Yusupova, Ulugʻbek Olimov, teatr xor va balet jamoasi, shuningdek, betakror ovozi bilan jahon sahnalarini zabt etib, minglab tomoshabinlar qalbidan joy olib kelayotgan, “Oltin Yevropa” nomidagi Yevropa sanʼat uyushmasining sanʼat va madaniy faoliyat sohasidagi oliy mukofoti sohibi, koʻplab xalqaro tanlovlar sovrindori, Chexiyalik Filip Bandjak, La Skala teatridan Sidneyga qadar opera teatriga qadar bir qator jahon opera sahnalarida tomoshabinlar qalbini zabt etgan solist Yelena Maksimova, Sankt-Peterburg Mariinskiy teatrining mahoratli solistlari Vyacheslav Vasilyev hamda Inara Kozlovskaya, yirik xalqaro mukofotlar sovrindori, Yevropa va Rossiya opera sahnasi yulduzi Hulkar Sabirova, ajoyib lirik-dramatik tenor ovoz sohibi, taniqli qozoq Pavarottisi, Abay nomidagi Qozoq milliy opera va balet teatri solisti Baluan Berkenovlar, bosh baletmeyster – Turkiyalik mashhur baletmeyster Mehmet Balkan ishtirok etishdi.