“Ilhom” mukofoti g‘oliblarini tantanali taqdirlash marosimi
2024-06-11 09:25:00 / Yangiliklar
Yangi O‘zbekiston — yoshlar uchun imkoniyatlar yurti. Prezidentimizning qo‘llab-quvvatlashlari natijasida insonlarning ong va tafakkurini boyituvchi, ruhiyatiga ozuqa beruvchi yuksak saviyali tanlovlar tashkil etib kelinmoqda.
Prezidentimiz Shavkat Mirziyoev 2020 yilning 20 may kuni Adiblar xiyobonining ochilish marosimida ishtirok etib, bir qator vazifalarni belgilab bergan edi.
O‘zbekiston Respublikasi Vazirlar Mahkamasining “Ilhom” mukofotini ta’sis etish to‘g‘risida 2020-yil 24-avgustdagi 503-son qaroriga muvofiq Joriy yilning 10-iyun kuni soat 19.00 da Alisher Navoiy nomidagi milliy bog‘ hududida barpo etilgan Adiblar xiyobonida “Katta adabiyot bayrami” haftaligi doirasida “Ilhom” mukofoti g‘oliblarini tantanali taqdirlash marosimi bo‘lib o‘tdi.
To‘rtinchi bor o‘tkazilayotgan tanlovning saralash bosqichi oliy ta’lim muassasalari doirasida o‘tkazildi. Ushbu saralash bosqichida barcha oliy ta’lim muassasalaridan o‘n mingdan ortiq talaba-yoshlar, murabbiylar ishtirok etdi.
Asosiy bosqich respublika miqyosida bo‘lib o‘tdi. “Ilhom” mukofoti tanlovining Respublika bosqichi uchun 49 ta oliy ta’lim muassasasidan 81ta ijodiy ish qabul qilindi.
Shundan, 3 ta asosiy va 6 ta rag‘batlantiruvchi mukofot uchun g‘oliblar saralandi.
Tanlov g‘oliblari 1-o‘rin uchun ¬– O‘zbekiston Respublikasida ishlab chiqarilgan “Damas” yengil avtotransport vositasi, maxsus diplom
va statuetka; 2-o‘rin uchun – 30 mln. so‘m pul mukofoti, maxsus diplom
va statuetka; 3-o‘rin uchun – 15 mln. so‘m pul mukofoti, maxsus diplom
va statuetka bilan taqdirlandi. 6 nafar rag‘batlantiruvchi mukofot sohiblariga qimmatbaho esdalik sovg‘alari topshirildi.
Bayram tadbirida hukumat a’zolari, davlat va jamoat arboblari, shoir-yozuvchilar, oliy ta’lim muassasalari mutasaddilari, professor-o‘qituvchilar, talaba-yoshlar ishtirok etdi.
Mazkur tanlov an’anaviy tarzda har yili o‘tkazib boriladi.