Mehnat va bandlik
Konimex tuman texnikumida aholi bandligini ta’minlash, ishsiz va aliment to‘lovchi hamda probatsiya nazorati ostidagi fuqarolarni qo‘llab-quvvatlash maqsadida navbatdagi “Mehnat yarmarkasi” tashkil etildi.
Tadbirda viloyat Kambag‘allikni qisqartirish va bandlik boshqarmasi boshlig‘i L.Xayrullayev, Konimex tuman hokimining birinchi o‘rinbosari E.Hazratqulov ishtirok etdi. Yarmarkada o'ttizdan ortiq korxona va tashkilotlar bir yuz yigirmaga yaqin bo‘sh ish o‘rinlari bilan qatnashdi. Unda 50 nafardan ortiq fuqarolar ishtirok etdi.
Yarmarka natijalariga ko‘ra:
12 nafar fuqaroga ishga joylashish uchun yo‘llanma berildi;
10 nafar fuqaroga kasb-hunarga o‘qitish uchun vaucher topshirildi;
4 nafar fuqaroga imtiyozli kredit olish uchun tavsiyalar berildi va huquqiy va amaliy maslahatlar ko‘rsatildi.
Bu kabi mehnat yarmarkalari fuqarolarni bandligini ta’minlash, yangi daromad manbalarini yaratish hamda ijtimoiy qo‘llab-quvvatlashda muhim ahamiyat kasb etmoqda.