Konimexda “Raqamli mahalla” platformasi taqdimoti bo‘lib o‘tdi
2025-10-02 14:50:00 / Yangiliklar
O‘zbekiston Respublikasi Prezidentining 2023-yil 21-dekabrdagi PF-209-son Farmoni va PQ-402-son Qarori ijrosini ta’minlash maqsadida ishlab chiqilgan “Raqamli mahalla” platformasi imkoniyatlari yuzasidan taqdimot tashkil etildi.
Taqdimot tadbirida Konimex tumani hokimi Ruslan Ro'ziyev hamda tumandagi yettilik rahbarlari ishtirok etishdi.
Platforma orqali aholi muammolarini tezkor va samarali hal qilish, joylarda mavjud masalalarni elektron tarzda yuritish hamda ularning yechimini ta’minlash imkoniyatlari batafsil yoritib berildi.
Taqdimot yakunida tuman hokimi tomonidan yettilik rahbarlariga platformaning amaliy imkoniyatlaridan kelib chiqib aniq topshiriq va ko‘rsatmalar berildi.
“Raqamli mahalla” — bu mahallalarda boshqaruv tizimini takomillashtirish, aholi muammolarini birinchi bo‘g‘inda hal qilish va joylarda samaradorlikni ta’minlashga xizmat qiladigan yangi qadamdir.