Konimex tumani "Kengsoy" hududida Misrning nufuzli "ElSewedy Wataniya" kompaniyasi delegatsiyasi vakillari bilan uchrashuv o'tkazildi.
2026-10-06 10:25:00 / Yangiliklar
Konimex tumani "Kengsoy" hududida Navoiy viloyati hokimining birinchi oʻrinbosari Rustam Sulaymonov, Viloyat hokimi o‘rinbosari - Investitsiyalar, sanoat va savdo boshqarmasi boshlig‘i Elbek Gʻafforov, Konimex tumani hokimi Ruslan Ro‘ziyev Misrning nufuzli "ElSewedy Wataniya" kompaniyasi delegatsiyasi vakillari bilan uchrashdi.
Tashrif davomida tumanda qishloq xo‘jaligi yerlarini o‘zlashtirish, suv ta’minotini yaxshilash, zamonaviy suv tejovchi texnologiyalarni joriy etish hamda istiqbolli investitsiya loyihalarini amalga oshirish masalalari muhokama qilindi.
Misrlik investorlar Konimex tumanidagi "Kengsoy" hududida 3,6 ming gektar yaylov yer maydonlarini o‘zlashtirish loyihasining borishi bilan yaqindan tanishdilar.
Ayni paytda hududda zamonaviy pivot sug‘orish tizimi asosida chorva ozuqasi yetishtirishni yo‘lga qo‘yish, "Kengsoy" kanalini qurish hamda suv yig‘ish hovuzlarini barpo etish bo‘yicha amaliy ishlar jadal olib borilmoqda.
Mazkur loyiha cho‘l hududlarini samarali o‘zlashtirish, qishloq xo‘jaligi ishlab chiqarishini kengaytirish, suv tejovchi texnologiyalarni joriy etish va yangi ish o‘rinlarini yaratishda muhim ahamiyat kasb etadi.