Навоий вилояти делегациясининг Беларусь Республикасига амалий ташрифи доирасида чорвачилик соҳасида ҳамкорликни ривожлантириш ва илғор тажрибаларни вилоят амалиётига жорий этиш масалаларига алоҳида эътибор қаратилди.
2026-08-21 16:40:00 / Yangiliklar
Хусусан, Конимех тумани ҳокими Руслан Рўзиев Беларусь Республикасининг Минск вилояти Молодечно туманидаги давлат иштирокидаги йирик чорвачилик комплекси фаолиятини ўрганди.
Учрашув давомида чорва молларини парваришлаш, наслчилик ишларини йўлга қўйиш, озуқа базасини мустаҳкамлаш, замонавий технологиялардан фойдаланиш ҳамда маҳсулдорликни ошириш борасидаги тажрибалар муҳокама қилинди.
Томонлар чорвачилик соҳасида инвестиция лойиҳаларини амалга ошириш, замонавий технология ва тажрибаларни жалб этиш, наслли чорва молларини кўпайтириш ҳамда юқори сифатли чорвачилик маҳсулотлари ишлаб чиқариш бўйича ҳамкорликни кучайтириш масалалари юзасидан фикр алмашдилар.
Беларусь тажрибасини ўрганиш Навоий вилоятида чорвачилик тармоғининг самарадорлигини ошириш, замонавий чорва комплексларини ташкил этиш ва соҳада янги инвестициявий лойиҳаларни рўёбга чиқаришда муҳим аҳамият касб этади.