Oliy ta’lim muassasalari bitiruvchi yoshlarining bandligini ta’minlashga qaratilgan uchrashuv o‘tkazildi
2026-08-13 09:10:00 / Yangiliklar
Konimex tumani hokimi Ruslan Ro‘ziyev, tuman prokurori Elyor Djabbarov boshchiligida tuman Madaniyat markazida oliy ta’lim muassasalarini tamomlagan yoshlarning bandligini ta’minlash masalalariga bag‘ishlangan uchrashuv bo‘lib o‘tdi.
Uchrashuvda yuzga yaqin bitiruvchi yoshlar ishtirok etib, yoshlarni o‘z mutaxassisligi bo‘yicha ish bilan ta’minlash, mavjud bo‘sh ish o‘rinlaridan samarali foydalanish hamda ularning bandligini ta’minlash bo‘yicha imkoniyatlar haqida batafsil ma’lumot berildi.
Jumladan, tumandagi umumta’lim maktablari va maktabgacha ta’lim tashkilotlaridagi mavjud bo‘sh ish o‘rinlari bilan tanishtirildi.
Shuningdek, tadbirkorlik faoliyatini boshlash istagida bo‘lgan bitiruvchilarga biznes loyihalarini amalga oshirish, imtiyozli kredit va boshqa mavjud imkoniyatlardan foydalanish bo‘yicha amaliy ko‘mak ko‘rsatish masalalari muhokama qilindi.
Uchrashuvda yoshlarning taklif va murojaatlari tinglanib, ularni bandligini ta’minlash yuzasidan mas’ullarga tegishli vazifalar belgilandi.