“Navoiy suv ta’minoti” AJ Konimex tuman bo‘limi boshlig‘i Q.Q. Jo‘raqulovning Konimex tuman aholisiga MUROJAATNOMASI
2026-06-29 19:25:00 / Yangiliklar
Hurmatli Konimex tumani aholisi!
Hozirgi kunda, ichimlik suv ta’minoti bo‘yicha ayrim hududlarda suv bosimi pastligi sababli uzulishlar kuzatilmoqda, hammangizga ma’lumki jazirama yoz kunlarida har birimizning ichimlik suviga bo‘lgan ehtiyojimiz keskin ortib boradi, shu kunlarda Gulobod suv inshootidan sutkasiga 4 000 – 4 500 m3 ichimlik suvi qabul qilinib aholi iste’molchilariga yetkazib berilmoqda. Bundan tashqari o‘tgan oylarga nisbatan ko‘p miqdorda suv qabul qilinayotganligi sababli “Gulobod-Konimex” yo‘nalishidagi magistral quvurda ko‘plab nosozliklar yuzaga kelishi kuzatilmoqda, ushbu nosozliklarni o‘z vaqtida bartaraf etish maqsadida ta’mirlash-tiklash guruhlari tashkil etilib tun-u kun bartaraf etish ishlari amalga oshirilmoqda.
Shu kunlarda Konimex va Momiqchi suv inshootlaridagi suv zahiradonlari sathlari 1 300 – 1 500 m3 suv yig‘ilganligini va suv ta’minoti yaxshilanishini Sizlarga ma’lum qilaman.
Sizlardan yana bir masalada birlashishimizni so‘rab qolgan bo‘lardim, yuqorida aytilgandek jazirama kunlarda ichimlik suvi hammamizga bir xil yetib borishi maqsadida xonodonlaringiz foydalanayotgan ichimlik suvini besamar ishlatmang, ko‘plab xonadonlarda ichimlik suvidan ekin yerlarini sug‘orish, qolin yoki gilamlarini yuvish va supalarga suv sepishga o‘xshagan isrofgarchiliklar ko‘payganligi hisobidan ham suv bosimi tushib bormoqda, Sizlardan iltimos faqatgina zaruriy ehtiyojlarimiz uchun ishlatadigan bo‘lsak bizdan keyinki odamlarga ham suv yetib boradi va Siz yashab turgan hududingizda bizning xodimlarimiz ma’lumoti bo‘lmagan nosozliklar yoki suv sizib chiqish holatlari bo‘lsa darhol dispetcherlik xizmati +99895-884-12-55 raqamiga ma’lum qilishingizni so‘rab qolaman.
Birga birlashib ichimlik suvini tejab va avariyalarsiz foydalanadigan bo‘lsak tumanimiz aholisiga uzluksiz ichimlik suv ta’minotini yaxshilagan bo‘lardik.
“Navoiy suv ta’minoti” AJ Konimex tuman bo‘limi yuzaga kelayotgan kamchiliklar uchun Sizlardan uzur so‘ragan holda yana bir bor suv ta’minotini yaxshilash maqsadida birlashishimizni Sizlardan so‘rab qolaman.
Hurmat bilan Jo‘raqulov Qobiljon Qodirovich.