Konimex tumanida 30-iyun - Yoshlar kuni munosabati bilan "Yangi O‘zbekistonni yoshlar quradi!" shiori ostida bayram festivali o‘tkazildi.
2026-06-29 19:15:00 / Yangiliklar
Festival avvalida tuman hokimi Ruslan Ro‘ziyev so‘zga chiqib, barchani Yoshlar kuni bilan tabrikladi. Festival davomida "DXX raisi kubogi" uchun o‘tkazilgan musobaqalarning tuman bosqichi sovrindorlari va g‘oliblari, "Shijoat va g‘ayrat" harbiy sport musobaqalari g‘oliblari hamda xorijiy tillar bo'yicha o'tkazilgan "Hokim kubogi" da faxrli o‘rinlarni egallagan faol yoshlar taqdirlandi.
Bayram tadbirida tuman Madaniyat bo‘limi xodimlari ishtirokidagi ijodiy chiqishlar va aholi hamda yoshlar bayrami uchun taklif etilgan estradamizning yorqin yulduzi Gulinur ijrosidagi qo‘shiqlar bayram kayfiyatini yanada ko‘tardi.
Bayram tadbiri yakunida mushakbozlik o‘tkazildi.