Konimexga yangi xorij kapitali kirib keladi: investorlar bilan to‘g‘ridan to‘g‘ri muzokaralar
2026-06-16 15:15:00 / Yangiliklar
Toshkentdagi xalqaro forum maydoni Navoiy viloyati uchun faqat rasmiy uchrashuvlar emas, balki tumanlar darajasidagi aniq loyihalar zaminiga aylanmoqda. Ayni vaqtda viloyat hokimi Normat Tursunov Konimex tumani hokimi Ruslan Ro‘ziyev bilan birgalikda xorijlik yirik sarmoyadorlar bilan amaliy kelishuvlar fazasiga o‘tdi.
"Tension International” kompaniyasi ta’sischisi Anvar Shukur bilan Konimexda qo‘rg‘oshinni qayta ishlovchi zamonaviy korxona qurish masalasi kelishildi. Bu hudud agrosanoati uchun yangi imkoniyat demakdir.
Xitoylik investor Lianj Singu (Lianzh Singu) bilan uchrashuvda esa tuman hududida oltin qazib olish va burg‘ilash xizmatlarini yo‘lga qo‘yish, sohaga eng ilg‘or xorijiy texnologiyalarni jalb qilish loyihasi muhokama markazida bo‘ldi.
Normat Tursunov uchrashuvda har bir loyiha faqat qog‘ozda qolmay, tez fursatda ishga tushishi va birinchi navbatda konimexliklar uchun yuqori daromadli ish o‘rinlarini ta’minlashi shartligini alohida ta’kidladi.