Kasbiy taʼlim agentligi

Kasbiy ta’lim agentligi delegatsiyasi Fransiyaning The Gustave Roussy Institute rahbariyati hamda ta’lim yo‘nalishi mas’ullari bilan uchrashuv o‘tkazdi. Muloqotda texnikum pedagoglarining kasbiy malakasini oshirish va hamshiralar tayyorlashda xalqaro tajribadan foydalanish masalalariga e’tibor qaratildi.

Hamshiralarni tayyorlash uchun Fransiya me’yorlari va talablariga muvofiq o‘quv dasturini birgalikda ishlab chiqish, onlayn ta’lim, sertifikatlash hamda o‘qituvchilar stajirovkalarini tashkil etish yo‘nalishlarini aks ettirish ko‘zda tutilmoqda.

Uchrashuvda quyidagi yo‘nalishlarda hamkorlikni rivojlantirish masalalari ko‘rib chiqildi:
- texnikum o‘qituvchilari uchun Fransiyada stajirovkalar tashkil etish va ularning kasbiy malakasini oshirish;
- onkologiya yo‘nalishida hamshiralar tayyorlash bo‘yicha qo‘shma diplom dasturini ishlab chiqish;
- hamshiralarni sertifikatlash tizimini yo‘lga qo‘yish hamda bu boradagi xalqaro tajribani o‘rganish.

Mazkur yo‘nalishlar tibbiyot sohasida kasbiy ta’lim sifatini oshirish, pedagoglarning amaliy ko‘nikmalarini rivojlantirish va hamshiralar tayyorlash tizimini takomillashtirishga qaratilgan.