Kasbiy ta’lim va ishlab chiqarish integratsiyasi yo‘lida navbatdagi muhim qadam
2026-06-24 09:30:00 / Yangiliklar
Kasbiy ta’lim agentligi direktor o‘rinbosari ishtirokida “Zarqand shirinliklari” ishlab chiqarishi MCHJ vakillari bilan navbatdagi uchrashuv bo‘lib o‘tdi.
Mazkur uchrashuvda mehnat bozori talablaridan kelib chiqib, ish beruvchilar buyurtmasi asosida o‘rta bo‘g‘in kadrlarini tayyorlash tizimini takomillashtirish, dual ta’lim shaklini keng joriy etish hamda ta’lim jarayonini ishlab chiqarish bilan integratsiyalash masalalari muhokama qilindi.
Xususan, korxonaning malakali mutaxassislarga bo‘lgan ehtiyojini qondirish maqsadida:
- dual ta’lim asosida kadrlar tayyorlashni yo‘lga qo‘yish;
- o‘quvchilarning amaliy mashg‘ulotlarini korxona bazasida tashkil etish;
- nazariy bilimlarni ishlab chiqarish jarayonlari bilan uyg‘unlashtirish;
- bitiruvchilarning bandligini ta’minlash bo‘yicha takliflar ko‘rib chiqildi.
Uchrashuv yakunida Kasbiy ta’lim agentligi va “Zarqand shirinliklari” ishlab chiqarishi MCHJ o‘rtasida hamkorlikni yanada kengaytirish, korxona ehtiyojlariga mos malakali kadrlar tayyorlash, dual ta’limni samarali tashkil etish hamda o‘zaro manfaatli loyihalarni amalga oshirish bo‘yicha anglashuv memorandumi imzolandi.