Kasbiy taʼlim agentligi

Kasbiy ta’lim agentligida Koreya Elevator Universiteti vakillari bilan uchrashuv bo‘lib o‘tdi.

Uchrashuvda Koreya Elevator Universitetining Texnopark hududida vakolatxona ochish tashabbusi, Koreya tajribasi asosida o‘quv dasturlarini takomillashtirish hamda professor-o‘qituvchilar malakasini oshirish istiqbollari ko‘rib chiqildi.

Tomonlar Koreya ta’lim dasturlarining ayrim qismini O‘zbekistonda amalga oshirish, iqtidorli talabalarni Koreyada o‘qish va amaliyot o‘tashga yo‘naltirish hamda bitiruvchilarni Koreya va O‘zbekiston korxonalarida ish bilan ta’minlash bo‘yicha hamkorlikni rivojlantirishga kelishib oldilar.

Shuningdek:
✅Koreya ta’lim dasturlarini O‘zbekiston kasbiy ta’lim tizimiga joriy etish;
✅elevator texnologiyalari, avtomatlashtirish, elektrotexnika va mexatronika yo‘nalishlarida hamkorlikni rivojlantirish;
✅texnikum bitiruvchilarining bandligini ta’minlash;
✅qo‘shma ta’lim va amaliyot dasturlarini yo‘lga qo‘yish masalalari muhokama qilindi.