G‘aznachilik xizmati qo‘mitasi va Xalqaro Valyuta Jamg‘armasi ekspertlari bilan uchrashuvi bo‘lib o‘tdi.
2025-08-20 00:00:00 / Yangiliklar
2025-yil avgust oyining 6-19 sanalarida Gaznachilik xizmati qo‘mitasi rahbariyati Xalqaro Valyuta Jamg‘armasi ekspertlari bilan qator uchrashuvlar o‘tkazdi. Tadbirda qo‘mita raisi Abdulaziz Xaydarov va boshqa rahbar xodimlar, XVJ tomonidan esa missiya rahbari, Fiskal ishlar departamenti eksperti Amanda Sayegh, shuningdek XVJ ekspertlari Imran Aziz va Mark Silins ishtirok etdilar.
Uchrashuvlarda qo‘mitaning joriy faoliyati, tashkiliy tuzilmasi, olib borilayotgan islohotlar, istiqboldagi rejalar hamda Yagona g‘azna hisobvarag‘ini kengaytirish masalalari muhokama qilindi.
Muhokamalarda, xususan, O‘zbekiston Respublikasi Prezidentining 2025-yil 26-iyundagi PF-105-son Farmoniga muvofiq, “Raqamli g‘azna” tizimi joriy etilayotganligi va g‘aznachilik biznes jarayonlarini raqamlashtirish, optimallashtirishga qaratilgan keng ko‘lamli institutsional islohotlar amalga oshirilyotganligi ta’kidlandi. Risklarni erta aniqlash tizimini takomillashtirish va davlat ishtirokidagi korxonalarni Yagona g‘azna hisobvarag‘iga jalb qilish kabi yo‘nalishlarda G‘aznachilik qo‘mitasi tomonidan olib borilayotgan ishlar to‘g‘risida ma’lumotlar berildi.
Shuningdek, tomonlar kelgusida mavjud hamkorlikni davom ettirish va texnik yordam missiyalarini tashkil etishga kelishib oldilar.