Gruziya Davlat xaridlari agentligi bilan uchrashuv boʻlib oʻtdi
2025-06-02 00:00:00 / Yangiliklar
Gruziya Davlat xaridlari agentligi bilan Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasi oʻrtasida davlat xaridlari sohasida davlatlararo hamkorlik yoʻlga qoʻyish maqsadida Iqtisodiyot va moliya vazirligi hamda Gʻaznachilik xizmati qoʻmitasining davlat xaridlari boʻyicha soha mutaxassislari joriy yilning 27-30-may kunlari Gruziyaning Tbilisi shahriga tashrif buyurdi.
Tashrif doirasida Gruziya Davlat xaridlari agentligi raisi oʻrinbosari Kaxa Demetrashvili bilan uchrashuv oʻtkazildi. Unda joriy yilda Toshkent shahrida imzolangan hamkorlik memorandumida nazarda tutilgan vazifalarni amalga oshirish yuzasidan muzokaralar olib borildi.
Uchrashuv davomida Gruziyadagi davlat xaridlari tizimi, markazlashtirilgan xaridlar amaliyoti, xarid jarayonlari va ularda qoʻllanilayotgan axborot tizimlari boʻyicha tajriba almashildi.