Rossiya Federal G‘aznachiligi vakillari bilan Videokonferensiya uchrashuvi bo‘lib o‘tdi.
2025-04-08 14:30:00 / Yangiliklar
O‘zbekiston Respublikasi Prezidenti Sh.M. Mirziyoyevning 2017-yil 4-5-aprel kunlari Rossiya Federatsiyasiga davlat tashrifi doirasida imzolangan Memorandumga asosan va Rossiya Federatsiyasi Federal G‘aznachiligi va O‘zbekiston Respublikasi Iqtisodiyot va moliya vazirligi o‘rtasidagi hamkorlik rejasi hamda Rossiya G‘aznachiligi va G‘aznachilik xizmati qo‘mitasi o‘rtasida texnik hamkorlik to‘g‘risidagi memorandumni amalga oshirish maqsadida joriy yilning 8 aprel kuni G‘aznachilik xizmati qo‘mitasi raisi Abdulaziz Xaydarov va Rossiya G‘aznachiligi rahbari Roman Artyuxin boshchiligida davlat sektorida buxgalteriya hisobini markazlashtirish masalalariga bag‘ishlangan videokonferensiya formatida yig‘ilish bo‘lib o‘tdi.
Uchrashuvda Rossiya G‘aznachiligi rahbarining o‘rinbosari Anton Dubovik Rossiya Federatsiyasining konsolidatsiyalangan hisoboti masalalariga alohida to‘xtalib o‘tdi, faoliyati Rossiya Federatsiyasi hukumati tomonidan boshqariladigan federal ijro organlarining byudjet hisobini markazlashtirishni amalga oshirish tajribasi bilan bo‘lishdi, shuningdek, federal tashkilotlarning texnologik byudjetini federal darajada markazlashtirishni amalga oshirish istiqbollari haqida gapirdi.
Uchrashuv yakunida tomonlar metodologiya, biznes-jarayon texnologiyasi va buxgalteriya hisobini markazlashtirish bo‘yicha tashkiliy chora-tadbirlarning alohida masalalarini muhokama qildilar va kelgusida hamkorlikka umid bildirdilar.