O'zbekiston Respublikasi Iqtisodiyot vа Moliya vazirligi huzuridagi G'aznachilik xizmati qo'mitasi

2024-yil 9-dekabr kuni G‘aznachilik xizmati qo‘mitasida Federal g‘aznachilik rahbari o‘rinbosari Aleksandr Albichev boshchiligidagi Rossiya Federal G‘aznachiligi delegatsiyasi bilan uchrashuv bo‘lib o‘tdi.

Rossiya delegatsiyasi tarkibiga Auditorlik faoliyatini nazorat qilish boshqarmasi boshlig‘i Lyudmila Muromtseva va Byudjet hisobi va hisoboti boshqarmasi bo‘lim boshlig‘i-bosh hisobchisi Anna Krivenets ham kirdi.

Uchrashuvda Oʻzbekiston tomonidan Gʻaznachilik xizmati qoʻmitasi raisi Murodbek Atajanov va boshqa masʼul shaxslar ishtirok etdi.

Uchrashuv davomida Rossiya G‘aznachiligi va O‘zbekiston Respublikasi Iqtisodiyot va moliya vazirligi huzuridagi G‘aznachilik xizmati qo‘mitasi o‘rtasida Texnik hamkorlik to‘g‘risidagi memorandum imzolandi.

Memorandum boshqarmalar va ularning hududiy organlari o‘rtasida quyidagi masalalar bo‘yicha o‘zaro hamkorlikni nazarda tutadi:

— g‘aznachilik organlarining tashkil etilishi va faoliyati;

— byudjet hisobi va hisoboti;

— byudjetlarga xizmat ko‘rsatish metodologiyasi;

— davlat xaridlari;

— moliyaviy prognozlash va pul mablag‘larini boshqarish;

— axborot texnologiyalarini qo‘llash;

— byudjet ijrosini nazorat qilish va baholash va ichki audit;

— auditorlik tashkilotlari faoliyati ustidan tashqi nazoratni amalga oshirish;

— jinoiy faoliyatdan olingan daromadlarni legallashtirishga va terrorizmni moliyalashtirishga va ommaviy qirgʻin qurollarini tarqatishni moliyalashtirishga qarshi kurashish sohasida monitoring va nazoratni amalga oshirish.

Ma’lumot uchun: 2023-yilda O‘zbekiston Respublikasi Iqtisodiyot va Moliya vazirligi, O‘zbekiston Respublikasi Iqtisodiyot va Moliya vazirligi huzuridagi G‘aznachilik xizmati qo‘mitasi va Rossiya Federatsiyasi Federal G‘aznachiligi o‘rtasida 2024-2026 yillar ucuhun hamkorlik dasturi imzolangan.

Shuningdek, Federal G‘aznachilikning raqamli loyihalari va byudjet hisobini muhokama qilishga alohida e’tibor qaratildi.

Uchrashuv yakunida tadbir ishtirokchilari Memorandumning imzolangani ikki davlat o‘rtasidagi hamkorlikni mustahkamlash yo‘lidagi muhim qadam ekanini ta’kidladilar.