Xalqaro Valyuta Jamgʻarmasi ekspertlari bilan bir qator uchrashuvlar oʻtkazildi.
2026-02-02 09:10:00 / Yangiliklar
2026-yil yanvar oyining 26-30 sanalarida Gaznachilik xizmati qoʻmitasi rahbariyati Xalqaro Valyuta Jamgʻarmasi ekspertlari bilan bir qator uchrashuvlar oʻtkazdi.
Tadbirda qoʻmita raisi Abdulaziz Xaydarov va boshqa rahbar xodimlar, XVJ tomonidan esa davlat moliyasini boshqarish boʻyicha ekspertlar Shota Gunia, va Davit Gamkrelidze ishtirok etdi.
Uchrashuvlarda Nobozor davlat ishtirokidagi korxonalarini Yagona gʻazna hisobvaragʻiga integratsiya qilish bo’yicha masalalari muhokama qilindi.
Xususan, muhokamalarda Iqtisodiyot va moliya vazirligi, Markaziy banki, Davlat aktivlarini boshqarish agentligi, Milliy statistika qoʻmitasi, UzAssets AJ va Iqtisodiyot va moliya vazirligi Axborot texnologiyalari markazi DUKning tegishli mutaxassislari ishtirok etdi.
Tashrif yakunida, xalqaro ekspertlar bilan g‘aznachilik tizimida yanada samarali va innovatsion yechimlarni joriy etish bo‘yicha mavjud hamkorlikni davom ettirish va kelgusida texnik yordam missiyalarini tashkil etishga kelishib olindi.