Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasi

Inspeksiya tomonidan tashkillashtirilgan matbuot anjuma-nida ayni shu vazifalarning ijrosiga to‘xtalib o‘tildi. Nazorat taftish boshqarmasi boshlig‘i Mamur Pirnazarov-ning maʼlumot berishicha, inspeksiya tomonidan sotuvga chiqariladigan zargarlik buyumlarining belgilangan talab-larga muvofiqligi va tegishli davlat tamg‘asi bilan tamg‘alanishi taʼminlanadi. Tegishli faoliyat bilan shug‘ullanuvchi tadbirkorlik subyektlari bo‘yicha zarur jarayonlar elektron tizimlar orqali amalga oshiriladi. Qimmatbaho toshlarni identifikatsiya qilish va tamg‘a izlarini ekspertizadan 
o‘tkazish kabi ishlar amalga oshiriladi. Inspeksiyada olib boriladigan nazoratning muhim yo‘nalishi huquqbuzarlik sodir bo‘lganidan keyin chora ko‘rish emas, balki uning oldini olishga qaratilgan. Chunonchi, 2026­yil yanvar-avgust oylarida 1174 ta profilaktik tadbir o‘tkazilgan. Bu 
oldingi yilning mos davriga nisbatan 79,3 foizga ko‘payganligini ko‘rsatadi. Profilaktika tadbirlari seminarlar, ochiq muloqotlar, tushuntirishlar va maslahatlarni, sayyor xizmat ko‘rsatishni  qamrab olgan. 2026­yilning  sakkiz oyida zargarlik va boshqa buyumlarni sotish sohasida 155 
ta nazorat tadbiri o‘tkazilgan. O‘tkazilgan 155 ta tekshiruvdan 73 ta holatda taʼsir choralari qo‘llanilgan, 1 ta holatda hujjatlar qo‘shimcha o‘rganish uchun tegishli organga yuborilgan. Taʼsir choralari qo‘llanilgan holatlarning asosiy qismi Maʼmuriy javobgarlik to‘g‘risidagi kodeksning 219­moddasi bo‘yicha — qimmatbaho metallar va qimmatbaho toshlar muomalasi qoidalarini buzish, davlat tamg‘asi bilan bog‘liq talablarni buzish, hisobga olinmagan buyumlarni realizatsiya qilish yoki hujjatlarni belgilangan tartibda yuritmaslik kabi holatlarga to‘g‘ri kelgan. Bundan tashqari, Maʼmuriy javobgarlik to‘g‘risidagi kodeksning 179³­moddasi bo‘yicha 34 ta holat, jinoyat ishi qo‘zg‘atilgan 4 ta holat hamda xabarnoma yubormasdan faoliyat yuritgan shaxslar bo‘yicha 21 ta holat qayd etilgan.Taʼkidlanganidek, bugungi kunda zargarlik buyumlari bo‘yicha bojxona to‘lovlari amalga oshirilganligini tasdiqlovchi hujjatlar mavjud bo‘lmasa ham, ularning asillik darajasini aniqlash va tamg‘alash imkonini berishga qaratilgan hukumat qarori loyihasi ishlab chiqilgan. Bunday o‘zgarish tadbirkorlar uchun ortiqcha maʼmuriy to‘siqlarni bartaraf etish va zargarlik buyumlarining qonuniy muomalasini yanada kengaytirishga xizmat qilishi kutilmoqda.

Batafsil