Halollik — har bir xodimning shaxsiy mas’uliyati. Korrupsiyaga qarshi kurashish esa barchamizning umumiy vazifamizdir.
2026-09-11 10:55:00 / Majlislar
Tadbir davomida “Korrupsiyaga qarshi kurashish to‘g‘risida”gi Qonun, O‘zbekiston Respublikasi Prezidentining 2021-yil 6-iyuldagi PQ–5177-son qarori hamda 2025-yil 30-dekabrdagi PF–270-son Farmonining mazmun-mohiyati yuzasidan batafsil tushuntirishlar berildi.
Taqdimot va amaliy misollar asosida korrupsiyaning jamiyat va davlat boshqaruviga salbiy ta’siri, mansab vakolatlaridan shaxsiy manfaat yo‘lida foydalanish, korrupsiyaviy huquqbuzarliklarning huquqiy oqibatlari hamda bunday holatlarning oldini olish choralari haqida ma’lumot berildi.
Shuningdek, firibgarlik, o‘g‘irlik, giyohvandlik bilan bog‘liq va boshqa jinoyatlarning oldini olish, ularning salbiy oqibatlari hamda bunday huquqbuzarliklar uchun belgilangan javobgarlik masalalariga ham alohida to‘xtalib o‘tildi. Ishtirokchilarga xizmat faoliyatida halollik, ochiqlik va qonuniylik tamoyillariga qat’iy rioya etish, shaxsiy mas’uliyatni oshirish, manfaatlar to‘qnashuvining oldini olish hamda korrupsiyaviy xavf-xatarlarni barvaqt aniqlash bo‘yicha amalga oshirilayotgan ishlar toʻgʻrisida maʼlumot berildi.
Tadbir yakunida ishtirokchilar o‘zlarini qiziqtirgan savollar bilan murojaat qilib, mutaxassislardan tegishli huquqiy tushuntirishlar oldilar.