Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasi

Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasida korrupsiyani oldini olish, xususan unga  yoʻl qoʻymaslik maqsadida profilaktik seminar uchrashuvi oʻtkazildi

Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasi tomonidan zargarlik sohasiga oid qonun va qonunosti hujjatlariga rioya qilinishi, qonunchilikdagi oʻzgarishlar, shuningdek sohada korrupsiyaga yoʻl qoʻymaslik maqsadida tadbirkorlar ishtirokida joriy yilning 26-dekabr kuni profilaktik seminar uchrashuvi oʻtkazildi.

Seminar uchrashuvida Asillik Inspeksiyaning barcha masʼul xodimlari, Oʻzbekiston Respublikasi Korrupsiyaga qarshi kurashish agentligining masʼul xodimi,  “Oʻzbekzargarsanoat” uyushmasi xodimlari, sohada faoliyat yuritayotgan tadbirkorlik subyektlari ishtirok ettilar.

Seminarning kun tartibidan tekshirishlar boʻyicha qonunchilik talablariga rioya etish, qonunchilikdagi yangiliklar hamda barchamizni bir daqiqa ham yodimizdan chiqishi mumkin boʻlmagan korrupsiyaga yoʻl qoʻymaslik masalasi joy oldi.

Davlat asillik darajasi inspeksiyasining asosiy vazifa va funksiyalaridan biri bu - nazorat hisoblansada, Inspeksiya nazoratni tekshirishlar orqali emas balki uni oldini olishni oʻzining asosiy vazifasi deb bilishi, yaʼni bunda profilaktik tadbirlar oʻtkazilishi orqali, tadbirkorlik subyektlariga qonuniy faoliyat yuritishiga koʻmaklashishdan iboratligi, xalq tili bilan aytkanda kasallikni davolash emas balki uni oldini olishga qaratilganligi alohida taʼkidlab oʻtildi.

Bugungi kunda Respublikamizda davlat va jamiyat boshqaruvining turli sohalarida korrupsiyaning oldini olish va unga qarshi kurashish borasida izchil hamda samarali chora-tadbirlar olib borilmoqda. Shu jumladan, Davlat asillik darajasi nazorati inspeksiyasi tomonidan sohaning barcha jabhalarida salmoqli ishlar amalga oshirib kelinmoqda va natijasi sifatida korrupsion xavf-xatarlar oldini olishga erishilmoqda.

Avvalambor sodiqlik, halollik, vatanparvarlik va masʼuliyatni faoliyatning asosiy tamoyiliga aylantirgan holda, har bir xodim jamoa oldiga qoʻyilgan vazifalarni vijdonan, sifatli, xolis va yuqori saviyada amalga oshirishi lozimligi qayd etildi. Yangi Oʻzbekiston kelajak avlodiga korrupsiyadan holi sohani qoldirishda sohaning har bir xodimi korrupsiyaga qarshi kurashda oʻz hissasini qoʻshib borishi bugungi kunning asosiy kun tartibi ekanligi taʼkidlandi.

Tashkillashtirilgan seminarda kun tartibi yuzasidan qisqa maʼruzalar tinglandi hamda ishtirokchilarning oʻzaro fikr almashinuvi bilan yakunlandi.