Ўзбекистон-Сингапур: ҳамкорлик ришталари мустаҳкамланмоқда

Унда, икки мамлакат ўртасида қишлоқ хўжалиги соҳасидаги ўзаро ҳамкорлик йўналишларини кенгайтириш, шунингдек,  ҳамкорликда аввал амалга оширилган лойиҳалар келишувларни янада жадаллаштириш имкониятлари муҳокама қилинди.

Суҳбат чоғида икки томонлама муносабатларни ривожлантиришда эришилган ютуқларга қарамай, амалий ҳамкорликни кенгайтириш учун ҳали ҳам кенг имкониятлар мавжудлиги таъкидлаб ўтилди.

Айтиш керак, Wilmar компанияси 1991 йил 1 апрелда Сингапурда ташкил этилган Осиёдаги етакчи агросаноат корпорацияси ҳисобланади. Компания Сингапур савдо биржасида бозор капиталлашуви бўйича юқори мавқега эга ҳисобланади. Операцион нуқтаи назардан, компания бутун қишлоқ хўжалигида қўшилган қиймат занжирини қамраб олувчи интегратсиялашган агробизнес модели сифатида кучли мавқега эга. 

Вазир ўз навбатида, Сингапур билан бир неча йил аввал қишлоқ хўжалиги соҳасида донорлик тизимини йўлга қўйилгани, бугунги ҳамкорлик учрашуви эса,  келгусида амалга ошириладиган фаол ислоҳотлар, қишлоқ хўжалигида қўшимча қиймат занжирини ривожлантириш, агро-озиқ-овқат тизимини трансформация қилиш учун муҳим эканини қайд этди.

Шунингдек, суҳбат давомида аграр соҳадаги ҳамкорлик муносабатларини янги босқичга кўтариш истиқболлари кўриб чиқилди. Шундан сўнг, Қишлоқ хўжалиги вазирлиги, Тошкент вилояти ҳокимлиги ва Wilmar International компанияси ўртасида келишув шартномаси имзоланди.