Ўзбекистоннинг Тожикистондаги элчихонасида учрашув бўлиб ўтди
2025-04-19 13:20:00 / Янгиликлар
Ишчи ташриф билан Душанбеда бўлиб турган Наманган вилояти делегацияси Ўзбекистоннинг Тожикистондаги элчихонаси маслаҳатчиси Зокиржон Мардонов, консул Олимжон Қосимов, биринчи котиб Файзулло Иноятовлар билан учрашув ўтказди.
Зокиржон Мардонов Тожикистон ва Ўзбекистон муносабатларида Наманган вилоятининг ўрни катта эканлигини таъкидлаб, туризм, саноат, логистика санъат ва маданият соҳаларидаги изчил алоқаларни алоҳида эътироф этди.
Ахсикент археология парки директори Анвар Икром самимий қабул учун ташаккур билдириб, Наманган 64-Халқаро гуллар фестивалига катта тараддуд кўраётганини унинг доирасидаги анжуманларга ҳунарманд ва тадбиркорларни таклиф этиш режаланганини маълум қилди. Элчихона томонидан туризм тарғиботи бўйича ҳудудларда амалга оширилаётган тадбирлар сайёҳлар оқимини кўпайишига хизмат қилаётганини айтди.
Транспорт ва логистика йўналишида Тожикистон орқали Наманган-Тошкент, Наманган-Самарқанд қатновларини йўлга қўйиш масалалари муҳокама қилинди.
Учрашув якунида «Ахсикент археология парки» ҳамда Наманганнинг етти буюк алломаси ҳақида Тожикистонда чоп этилган «Хафт Бузурги Намангон»китоблари тақдимот қилинди.