GFU talabasi “WeStart: 3D Edition” ayollar startap loyihalari inkubatsiya dasturi g‘olibi bo‘ldi
2024-09-17 17:50:00 / Yangiliklar
Geologiya fanlari universitetining “Iqtisodiyot” yo‘nalishi 3-bosqich talabasi Alimova Dilshoda Baxtiyor qizi USAID’s FGI loyihasi, KOICA, NIPA ko‘magida joriy yilning 9-13-sentabr kunlari o‘tkazilgan va mukofot jamg‘armasi 50 million so‘mga teng bo‘lgan “WeStart: 3D Edition” ayollar startap loyihalari inkubatsiya dasturida o‘z loyihasi bilan ishtirok etdi.
Dilshoda Alimova tanlov yakunida faxrli o‘rinni egalladi va 15 million so‘mlik vaucherni qo‘lga kiritdi.
Talabaning “Estate Vision” loyihasi arxitektorlar va arxitektura yo‘nalishida tahsil olayotgan talabalarga mo‘ljallangan bo‘lib, ular “Estate Vision” platformasiga o‘z loyihasining chizmalari yoki 3D dizaynini yuklab, uning 3D printerda chiqadigan modelini (maket) buyurtma qilishlari mumkin.