Qum-shag‘alni noqonuniy qazib olgan huquqbuzarlar 20 million so‘mdan ortiq tovon to‘laydi
2024-08-02 17:10:00 / Yangiliklar
Xususan, Tomdi tumani Ekologiya Ekologiya bo‘limi davlat inspektorlari tomonidan o‘tkazilgan reyd davomida fuqarolar X.U., Y.U., O.J. va S.O.lar tomonidan "Tomdibuloq" ovul fuqarolar yig‘ini hududidan qum-shag'allar hech qanday ruxsatnomasiz qazib olingani ma'lum bo‘ldi.
Holat bo‘yicha Ma'muriy javobgarlik to‘g‘risidagi kodeksning 70-moddasi 1-qismi bilan ma'muriy bayonnoma rasmiylashtirildi. Huquqbuzarlarga nisbatan bazaviy hisoblash miqdorining 50 baravari — 17 mln so‘m miqdorida jarima belgilandi.
Bundan tashqari, Nurota tumani Ekologiya bo‘limi davlat inspektorlari tomonidan ham reyd tadbirlari olib borildi. Reyd davomida fuqaro M.X. o‘z boshqaruvida bo‘lgan ekskavator yordamida noqonuniy ravishda qum-shag‘al qaziyotgan vaqtida to‘xtatildi.
Holat yuzasidan MJtKning 70-moddasi 1-qismi bilan maʼmuriy bayonnoma rasmiylashtirilib, huquqbuzar BHMning 10 baravari — 3 mln 400 ming so‘m miqdorida jarimaga tortildi.