O‘zbekiston yoshlari “WorldSkills Lyon 2024” musobaqasida!
2024-09-14 14:30:00 / Yangiliklar
O‘zbekiston yoshlari “WorldSkills Lyon 2024” musobaqasida!
Ayni kunlarda Fransiyaning Lion shahrida “WorldSkills Lyon 2024” kasbiy ko‘nikmalar tanlovi bo‘lib o‘tmoqda. Bu dunyoning eng yirik mahorat musobaqasida 70 dan ortiq davlat va mintaqalardan 1 400 nafardan ziyod mutaxassislar 62 ta kasb yo‘nalishlari bo‘yicha o‘z mahoratlarini sinovdan o‘tkazmoqda.
O‘zbekiston sharafini ikki nafar yosh usta – avtomobil texnologiyasi hamda elektr muhandisligi yo‘nalishlarida himoya qilmoqda. Yosh ustalarimiz “WorldSkills Uzbekistan-2023” g‘oliblari hisoblanadi va ushbu tanlovda o‘z mahoratlarini namoyish etishmoqda.
O‘zbekiston yoshlar delegatsiyasi ham musobaqada ishtirok etib, xalqaro tajriba orttirish hamda 2025-yilda Tayvanda bo‘lib o‘tadigan “WorldSkills Asia-2025” musobaqasiga tayyorgarlik ko‘rmoqda.
Musobaqaning tantanali ochilish marosimida Fransiya Prezidenti Emmanuel Makron ham ishtirok etdi.
Yosh ustalarimizga omad tilaymiz!