#Мурожаатдан_натижага
2026-10-13 21:40:00 / Янгиликлар
МУРОЖААТ НАЗОРАТГА ОЛИНДИ: ҚАЗИЛГАН ҲУДУД ҚАЙТА АСФАЛТЛАНДИ
Транспорт назорати инспекциясига ОАВ орқали Тошкент шаҳри Мирзо Улуғбек туманида олиб борилган қазиш ишларидан сўнг йўл қопламаси аввалги ҳолатига келтирилмагани юзасидан мурожаат келиб тушди.
📍 Мазкур мурожаат асосида Йўл қурилиш ишларини назорат қилиш бошқармасининг Тошкент шаҳри ҳудудий бўлими ходимлари томонидан жойига чиққан ҳолда ўрганиш ишлари олиб борилди.
🔎 Ўрганиш натижасида қазиш ишлари белгиланган тартибга зид равишда амалга оширилгани ҳамда қазилган ҳудуд белгиланган муддатда қайта тикланмагани аниқланди. Қонунбузилиш ҳолатлари юзасидан маъмурий чоралар кўрилди.
✅ Натижада қазиш ишлари олиб борилган ҳудудда асфальт қопламаси қайта ётқизилиб, йўлнинг аввалги ҳолати тикланди.
📌 Ҳурматли фуқаролар! Йўлларда қазиш ишлари олиб борилиб, қоплама белгиланган муддатда тикланмагани ёки шунга ўхшаш ҳолатларга гувоҳ бўлсангиз, бу ҳақда бефарқ бўлманг!
📲 Транспорт назорати инспекциясининг махсус алоқа боти — @tni_murojaat_bot орқали хабар беринг.
Сизнинг мурожаатингиз қонунбузилишларнинг ўз вақтида аниқланиши ва бартараф этилишига хизмат қилади!