Ўзбекистон Республикаси Транспорт Вазирлиги Ҳузуридаги Транспорт Назорати Инспексияси

Ҳурматли ҳамкасблар, азиз юртдошлар!

Мамлакатимизда коррупциянинг олдини олиш ва унга қарши курашиш, жамиятнинг барча соҳаларида коррупсион ҳолатларни келтириб чиқарувчи омилларга чек қўйишга қаратилган кенг кўламли ислоҳотлар олиб борилмоқда.

Жумладан, Ўзбекистон Республикасининг “Коррупцияга қарши курашиш тўғрисида”ги Қонуни ва қатор Фармон, Қарорлар қабул қилиниб, коррупцияни олдини олиш бўйича устувор вазифалар белгилаб берилди.

Коррупцияга қарши курашиш бўйича Миллий кенгаш йиғилишида Давлатимиз раҳбари ўз нутқида коррупция - ислоҳотлар йўлидаги энг катта тўсиқ ва ғов эканини таъкидлади.

Фикри тоза, коррупцияга тоқатсиз янги авлодни тарбиялаш мақсадида таълим масканларида ҳалоллик ғояларини сингдириш, уларнинг ташаббусларини қўллаб-қувватлаш муҳимлиги кўрсатиб ўтилди.

Давлатимиз раҳбарининг жамоатчиликка мурожаатида коррупцияга қарши курашиш умуммиллий вазифа, ҳар бир ватанпарвар юртдошимизнинг виждон иши эканлиги таъкидлаб ўтилди.

Умуман, илк маротаба бундай тарзда йиғилиш ўтказилиши коррупцияга қарши кучли сиёсий иродани намоён этди. Давлатимиз раҳбари 55 та аниқ мақсадга йўналтирилган ташаббусларни илгари сурди.

Улар доирасида 5 та Қонун, 12 та фармон ва қарорлар ишлаб чиқилади. Коррупцияга қарши курашишда Парламент, Миллий ва ҳудудий кенгашлар, фуқаролик жамияти институтларининг роли оширилади.

Транспорт назорати инспекциямиз тизимида коррупсиявий ҳолатларни олдини олиш бўйича қатор амалий ишлар қилинмоқда. Хусусан, инспекция марказий аппаратида коррупцияга қарши курашиш бўйича масъул ходим фаолият кўрсатмоқда. Коррупцияга қарши курашиш бўйича Сҳора-тадбирлар дастури ва коррупсиявий хавф-хатарлар харитаси тасдиқланиб, устувор вазифалар белгилаб олинди.

Шунингдек, Инспекциянинг коррупцияга қарши курашиш бўйича Сиёсати, коррупсиявий хавф-хатарларни баҳолаш Услубиёти, манфаатлар тўқнашувини бошқариш бўйича Низом, алоқа каналлари орқали коррупсиявий хатти-ҳаракатлар тўғрисида келиб тушган хабарларни қабул қилиш ва кўриб чиқиш Регламенти, этика ва коррупцияга қарши курашиш соҳасида ўқитилишини ташкил қилиш бўйича, контрагентларни текширишга оид ва ишга қабул қилинаётган номзодларни текшириш бўйича Йўриқномалар, Коррупцияга қарши тартиб-таомилларнинг самарадорлигини мониторинг ва назорат қилиш Услубиёти, коррупцияга қарши кураш тизимининг ҳолати тўғрисидаги ҳисоботни шакллантириш ва тақдим этиш бўйича Низом ҳамда коррупсиявий хатти-ҳаракатлари ва одоб-ахлоқ қоидаларини бузиш ҳолатлари устидан хизмат текширувлари ўтказиш бўйича Регламенти қабул қилинган ўлиб, тизимли ишлар олиб борилмоқда.

Ўзбекистон Республикаси Вазирлар Маҳкамасининг “Коррупцияга оид ҳуқуқбузарлик ҳақида хабар берган ёки коррупцияга қарши курашишга бошқа тарзда кўмаклашган шахсларни рағбатлантириш тартиби тўғрисидаги низомни тасдиқлаш ҳақида”ги 829-сон қарорига мувофиқ Инспекцияда коррупция ҳақида хабар берган шахсларни рағбатлантириш тартиби жорий этилди.

Инспекциянинг тегишли буйруғига мувофиқ Давлат хизматини ривожлантириш агентлиги билан ҳамкорликда эълон қилинган мустақил, очиқ танлов асосида ишга қабул қилиш ишлари амалга ошириб келинмоқда.

Инспекцияда ходим ва иш берувчи ўртасида тузилган меҳнат шартномаларига коррупцияга қарши курашиш бўйича шартлар киритилди.

Бундан ташқари, соҳани рақамлаштириш орқали шаффофликни таъминлаш бўйича тизимда барча йўналишдаги функцияларни босқичма-босқич рақамлаштириш давом этмоқда. Бу каби ишларимиз бундан кейин ҳам давом эттирилади.

Инспекциямизни коррупциясиз соҳага айлантириш учун барча куч ва имкониятлар мавжуд ва биз улардан фойдаланамиз. 

Ҳурматли ҳамкасблар !

Транспорт назорати инспекцияси тизими ходими деган юксак шарафли мақом эгаси сифатида шубҳа уйғотувчи ҳаракатлар, сўзлардан тийилишимиз, ҳамма жойда юриш-туришимиз, ҳаракатларимиз билан бошқа давлат хизматчиларига ва оила аъзоларимизга намуна бўлишимиз зарур.

Шундай экан Инспекция тизимидаги барча ходимлар ўз хизмат вазифаларини бажаришда:

* Инспекциянинг коррупцияга қарши курашиш сиёсатига амал қилиши ҳамда унинг тамойиллари ва талабларига қатъий риоя этишлари керак;

* коррупция билан боғлиқ ҳар қандай хатти-ҳаракатларда иштирок этиши тақиқланади;

* ходимлар уларни коррупция билан боғлиқ ҳуқуқбузарликни содир этишга ундовчи шахсларнинг ҳар қандай мурожаатлари тўғрисида, шунингдек, бошқа ходимлар томонидан содир этилган коррупцияга оид қонунбузилиш ҳолатлари ҳақида ўз раҳбарларига ва Инспекциянинг коррупцияга қарши курашиш бўйича масъул ходимига хабар беришлари шарт;

* бевосита раҳбари ёки масъул шахсни манфаатлар тўқнашуви эҳтимоли ҳақида хабардор қилиши лозим.

Ҳар биримиз ўз ишимизга ҳалол ва виждонан ёндашсак, албатта олдимизга қўйилган мақсадларга эришамиз.

Инспекция тизимида фаолият олиб бораётган ҳар бир ходим ҳар қандай коррупсиявий ҳолат учун жазо муқаррарлигини ва кечирилмаслигини билиши шарт!

Ҳурматли фуқаролар ва жамоатчилик вакиллари!

Транспорт назорати инспекциясини “коррупциясиз соҳа”га айлантиришда жамоатчилик вакиллари ҳамда фуқароларимиз роли алоҳида аҳамият касб этади. Шу сабабли Инспекция тизимида коррупцияга қарши курашиш бўйича Сизларни ҳамкорликка чақириб қоламиз.

Тизимдаги коррупсиявий ҳолатлар юзасидан фикр-мулоҳазалар ва таклифлар учун Инспекциянинг электрон почта манзили: antikorrupsiya@uztn.uz, телеграмдаги расмий саҳифаси: https://gov.uz/oz/uztn/anti-corruption, телеграм бот: @антиcорруптион_узтн_бот ҳамда мурожаат қилиш учун телефон рақам: 71-202-03-02 (515) ишга туширилган.

Агар Сиз коррупсиявий ҳолатларга дуч келсангиз ушбу алоқа воситалари орқали бизга мурожаат қилишингиз сўралади.

Барча ахборотлар ва уларнинг муаллифлари ҳақидаги маълумотлар сир сақланиши кафолатланади.

(МУРОЖААТ ҚИЛИШ УЧУН)

Ҳурмат билан,  Транспорт назорати инспекцияси бошлиғи Ж