Мактабгача ва мактаб таълими вазири ўринбосари Азизбек Турдиев бошчилигидаги миллий ишчи гуруҳи аъзолари ҳамда Alpha Plus – AQA Global Assessment Practices  компаниясининг халқаро экспертлари иштирокида учрашув бўлиб ўтди.

Учрашувда таълим ташкилотларининг фаолиятини баҳолашда давлат назоратининг асосий шакли ҳисобланган Аттестация ва давлат аккредитацияси амалиётини бекор қилмаган ҳолда, уни назорат (инспекция) моделидан сифатни узлуксиз такомиллаштиришга йўналтирилган (энҳансемент-лед) моделга босқичма-босқич ўтказиш масалалари муҳокама қилинди.

Лойиҳа доирасида 2026 йил 14-17 сентябрь кунлари дастлабки ўрганиш босқичи амалга оширилади. Мазкур босқичда таълим соҳасида амалга оширилаётган ислоҳотлар, хусусан, сифатни таъминлаш тизимининг ўрни ва фаолият юритиш механизмларини чуқурроқ ўрганиш мақсадида тегишли манфаатдор томонлар билан бир қатор учрашувлар ўтказилиши белгиланган.

Шунингдек, 15-16 сентябрь кунлари мактабгача ва умумий ўрта таълим ташкилотларида ўзини ўзи баҳолаш ҳамда ташқи сифатни таъминлаш бўйича амалдаги жараёнлар ва баҳолаш механизмлари билан танишилади.

Бундан ташқари, лойиҳанинг расмий тақдимот семинари ҳам ташкил этилиб, унда мактабгача ва умумий ўрта таълим ташкилотлари фаолиятини ички ва ташқи баҳолаш мезонларини илғор хорижий тажрибалар асосида такомиллаштириш масалалари кўриб чиқилиши режалаштирилган.

Бундан ташқари, лойиҳанинг расмий тақдимот семинари ҳам ташкил этилиб, унда мактабгача ва умумий ўрта таълим ташкилотлари фаолиятини ички ва ташқи баҳолаш мезонларини илғор хорижий тажрибалар асосида такомиллаштириш масалалари кўриб чиқилиши режалаштирилган.