Мактабгача ва мактаб таълими вазирлиги вакиллари Хитой Халқ Республикасида бўлиб ўтаётган халқаро амалий семинарда иштирок этмоқда
2026-06-10 10:00:00 / Янгиликлар
Айни дамда Мактабгача ва мактаб таълими вазирлиги вакиллари Хитой Халқ Республикасида бўлиб ўтаётган халқаро амалий семинарда иштирок этмоқда.
Семинар иштирокчилари касбий кўникмаларни ривожлантириш бўйича янги билимга эга бўлмоқда.
Шунингдек, семинарда Ўзбекистон ва Хитой таълим муассасалари ўртасидаги ҳамкорликни янада ривожлантириш ҳамда профессионал алоқаларни мустаҳкамлаш масалаларига тўхталиб ўтилди.
Эслатиб ўтамиз, Мактабгача ва мактаб таълими вазирлиги ҳамда Шеньян педагогика университети ўртасида ҳамкорлик меморандуми имзоланган. Бугун ушбу ҳамкорлик бўйича қўшма дастурлар амалга оширилмоқда.
Ўзбекистон ва Хитой ўртасидаги таълим соҳасига доир мазкур ҳамкорлик икки томонлама алоқаларни янада ривожлантиришда муҳим қадам бўлиб хизмат қилади.