Айни пайтда барча ҳудудларда танловнинг туман ва шаҳар босқичларида ғолиб бўлган, давлат ҳамда нодавлат мактабгача таълим ташкилотларида фаолият юритаётган педагоглар ўзаро беллашмоқда.

Мазкур танловдан кўзланган асосий мақсад — мактабгача таълим ташкилотларида фаолият юритаётган тарбиячиларнинг касбий маҳорати, ижодий салоҳияти ва инновацион ёндашувларини ривожлантириш, илғор иш тажрибаларини кенг оммалаштириш ҳамда замонавий таълим технологияларини таълим-тарбия жараёнига самарали жорий этишдан иборат.

Танлов нафақат энг муносиб тарбиячиларни аниқлаш, балки мактабгача таълим сифатини янги босқичга олиб чиқишда муҳим майдон вазифасини ўтамоқда.