Чиноз туманидаги 9-давлат мактабгача таълим ташкилотида Хитойнинг “Анжи Плай” методикаси асосидаги лойиҳанинг очилиш маросими бўлиб ўтди.

Унда Мактабгача ва мактаб таълими вазири Эъзоза Каримова, маҳаллий ҳокимлик вакиллари, Хитойнинг Ўзбекистондаги элчихонаси масъуллари ҳамда мактабгача таълим ташкилоти жамоаси қатнашди.

Тадбир давомида эркин ўйин муҳитининг болалар ривожидаги аҳамияти амалий машғулотлар орқали намойиш этилди. Бу каби ёндашувлар боғчаларда болага йўналтирилган замонавий таълим моделини кенгайтиришга хизмат қилади.

Маълумот ўрнида: мазкур лойиҳа болаларнинг эркин ўйин орқали ижодкорлиги ва мустақил фикрлаш қобилиятини ривожлантириш, жамоа бўлиб ишлаш, шунингдек, мактабгача таълим тизимига замонавий педагогик ёндашувларни жорий этиш мақсадида ташкил этилган.