Мактабгача ва мактаб таълими вазири ўринбосари Темур Комилов Италия Республикасида ташкил этилган қатор ҳамкорлик учрашувларида иштирок этди.

Милан шаҳрида Ломбардия минтақаси таълим ва меҳнат вазири Симона Тирони билан учрашув бўлиб ўтди.

Музокаралар давомида таълим соҳасидаги истиқболли ҳамкорлик йўналишлари муҳокама қилинди.

Жумладан, иқтидорли мактаб ўқувчиларини Google академиясининг қисқа муддатли таълим сафарига юбориш лойиҳаси юзасидан келишувларга эришилди.

Турин шаҳрида БМТ шафелигидаги Халқаро меҳнат ташкилоти учун кадрлар тайёрлаш халқаро маркази директори Андреас Клеммер билан музокаралар ўтказилди.

Учрашув якунларига кўра, вазирликнинг молия соҳасида фаолият юритаётган мутахассисларининг мазкур марказда малака ошириш курсларида иштирок этиши ҳамда махсус ўқув дастурини ишлаб чиқишга келишиб олинди.

СИОИ президенти Риссардо Сесса билан учрашув ўтказилди.

Учрашув давомида СИОИ раҳбарияти Рим шаҳрида ёш дипломатлар учун ташкил этилган курсларда иштирок этган ўзбекистонлик мактаб ўқувчиларининг билим олишга бўлган интилишини алоҳида таъкидлади.

Ўзбек томони ташаббуси билан амалдаги келишувни кенгайтириш ҳамда вазирлик тизимидаги ташкилотлар ва олий таълим муассасаларининг халқаро алоқалар бўлимлари ходимлари учун қўшимча махсус курс ташкил этиш бўйича келишувга эришилди.

Шунингдек, ИИ Ўзбекистон–Италия ректорлар форуми доирасида Италиянинг қатор нуфузли олий таълим муассасалари ректорлари билан учрашувлар ўтказилди.

Жумладан, Университà дегли Студи Рома Тре ректори Массимилиано Фиорусси билан мулоқот бўлиб ўтди.

Олий таълим муассасаларида педагогик таълим йўналишида ҳамкорликни йўлга қўйиш, шунингдек бакалавриат босқичи учун қўшма (доубле дегреэ) дастурларини амалга ошириш бўйича келишувга эришилди.