Шу кунларда юртимиздаги қатор таълим муассасаларида қурилиш-таъмирлаш ишлари ўз якунига етиб, фойдаланишга топширилмоқда.

Жумладан, Фарғонада 45-давлат мактабгача таълим ташкилотининг тантанали очилиш маросими бўлиб ўтди.

Маълумот ўрнида: мазкур бино 1932 йилда қурилган бўлиб, бугунги кунда эса муассаса 120 ўринли қилиб қайта тамирдан чиқарилди.

Тошкент вилояти, Бўка тумани, «Ачамайли» маҳалласида жойлашган 17-сонли ДМТТ таъмирланиб, замонавий талабларга мос равишда тўлиқ янгича қиёфага келтирилди.

Мазкур муассасанинг бинолари тўлиқ янгиланиб, ўқув хоналари, ўйин ва дам олиш жойлари замонавий жиҳозлар билан таъминланди.

Шунингдек, болалар хавфсизлиги ва қулайлиги учун барча зарур шароитлар яратилди.