"Инклюзив таълим ва барқарор тараққиёт” мавзусида халқаро илмий-амалий конференция ўтказилди
2025-12-03 12:00:00 / Янгиликлар
Мактабгача ва мактаб таълими вазирлиги, ЮНИСEФ ва Республика Ташхис маркази ҳамкорлигида "Инклюзив таълим ва барқарор тараққиёт” мавзусида халқаро илмий-амалий конференция ўтказилди.
Бунда кўзланган мақсад — алоҳида таълим эҳтиёжлари бўлган болаларга кўрсатиладиган таълим хизматлари сифатини ошириш, инклюзив таълимни такомиллаштириш бўйича илмий-амалий таклифлар ишлаб чиқиш ва самарали амалиётларни маҳаллий тизимга жорий этишдир.
Конференцияни кириш сўзи билан вазир ўринбосари Фарҳод Боқиев очиб берди ва тизимда амалга оширилаётган ишлар ва халқаро ҳамкорлик ҳақида сўз юритди.
Тадбир гибрид шаклда ташкил этилган, унда инклюзив таълим йўналиши бўйича шуғулланаётган педагог ходимлар, психологлар, методистлар иштирок этди.
Анжуман давомида иштирокчилар мамлакатимизда шаклланиб бораётган инклюзив таълим тизимининг таркибий тузилиши, иш мазмуни, шакл ва усуллари, педагогик ва психологик қўллаб-қувватлаш механизмлари, кадрлар билан таъминланиш масалалари, электрон ахборот алмашинуви, илмий тадқиқотлар ҳамда методик таъминотнинг бугунги ҳолати ва истиқболларини муҳокама қилади.