Халқаро ҳамкорлик
2025-10-28 09:45:00 / Янгиликлар
Музокараларда Ўзбекистон ва АҚШ ўртасидаги инвестициялар, саноат, энергетика ва инфратузилмавий ривожланиш соҳаларидаги ҳамкорликнинг ҳозирги ҳолати ҳамда истиқболлари, шунингдек, жорий йил сентабр ойида Ўзбекистон Президенти Шавкат Мирзиёевнинг АҚШга ташрифи чоғида эришилган келишувларни амалга ошириш масалалари муҳокама қилинди.
Лазиз Кудратов эришилган келишувларни амалиётда рўёбга чиқариш муҳимлигини таъкидлади ва америкалик компанияларнинг тоғ-кон саноати, қишлоқ хўжалиги, транспорт ва ахборот технологиялари каби устувор йўналишлардаги инвестиция лойиҳаларига юқори қизиқиш билдираётганини қайд этди.
Шунингдек, учрашувда АҚШда бўлиб ўтадиган “C5+1” саммитига тайёргарлик масалалари кўриб чиқилди. Мазкур тадбир Марказий Осиё мамлакатлари ва Қўшма Штатлар ўртасидаги минтақавий ҳамкорликни мустаҳкамлаш ва стратегик шерикликни янада чуқурлаштириш йўлида муҳим босқич бўлиб хизмат қилади.