CNNC компанияси вакиллари билан учрашув бўлиб ўтди
2024-03-29 20:15:00 / Янгиликлар
Ўзбекистон Республикаси тоғ-кон саноати ва геология вазирлигида Сhina National Nuclear Corporation (CNNC) – Хитойнинг атом энергетика (қурилиш, тадқиқот, муҳандислик) йўналишида фаолият олиб борадиган давлат компанияси делегацияси билан учрашув ўтказилди.
Унда Тоғ-кон саноати ва геология вазири Б.Исламов ва вазирлик мутасаддилари, CNNC вице-президенти Шен Янфен бошчилигидаги делегация вакиллари билан музокара олиб боришди.
Учрашувда геология-қидирув ишларига инвестиция киритиш, истиқболли майдонларда ўзаро ҳамкорликда дала геология-қидирув ишларини ташкил қилиш, шунингдек, техник қудуқларни бурғилаш масалалари муҳокама этилди.