Аёллар тадбиркорлиги халқаро саммити доирасида навбатдаги учрашув
2025-08-26 12:10:00 / Янгиликлар
Уланбатор шаҳрида ўтаётган аёллар тадбиркорлиги саммити доирасида Бош вазир ўринбосари — Оила ва хотин-қизлар қўмитаси раиси З.Махкамова ҳамда Мўғулистон Бош вазир ўринбосари С.Амарсайхан ўртасида навбатдаги учрашув бўлиб ўтди.
Учрашув давомида аёлларни қўллаб-қувватлаш, оилани мустаҳкамлаш ва ижтимоий соҳаларда ҳамкорликни кенгайтириш масалалари муҳокама қилинди.
Томонлар аёллар тадбиркорлигини ривожлантириш, бизнесда тенг имкониятлар яратиш ва тажриба алмашувининг аҳамиятини таъкидлашди. Келгусида қўшма ташаббуслар ва тадбирларни амалга ошириш бўйича фикр алмашилди.
Учрашув илиқ ва конструктив руҳда ўтиб, икки томонлама муносабатларни мустаҳкамлаш йўлида муҳим қадамлардан бири бўлди.