Ўзбекистон ва Тожикистон университетлари ректорларининг навбатдаги форуми ўтказилади

Учрашувда сўнгги олти йил давомида Ўзбекистон ва Тожикистон ўртасида олий таълим, илм-фан ва инновациялар соҳасидаги алоқаларимиз сезиларли даражада фаоллашганини қайд этилди. Ҳамкорлик ўқитувчи ва талабалар алмашинуви, илмий анжуманлар, диссертациялар ҳимояси бўйича кенгашлар ишида иштирок этиш, ўзаро ўқув жараёнларини ташкил қилиш, профессор-ўқитувчилар малакасини ошириш, таълимга рақамли технологияларни жорий этиш, икки давлат олимлари томонидан илмий журналларда мақолалар чоп этишни ўз ичига олади.

Томонлар таълим жараёнини ташкил этиш, таълимга янги технологияларни жорий этиш, ўқитувчилар малакасини ошириш, маърузалар ўқиш, маҳорат сабоқларини ўтказиш мақсадида ўзаро тажриба алмашиш орқали таълим соҳасидаги ҳамкорликни кенгайтириш лозимлигини қайд этдилар. 

Вазир ва элчи Тошкентда жорий йилнинг апрель ойида режалаштирилган Ўзбекистон ва Тожикистон университетлари ректорларининг форуми, шунингдек, Тожикистонда Ўзбекистон университетларининг таълим кўргазмасини ўтказиш бўйича ташкилий масалаларни ҳам муҳокама қилдилар.