Ўзбекистон ва “Alpac Capital” ўртасида инвестиция имкониятлари муҳокамаси
2025-07-29 09:10:00 / Янгиликлар
2025 йил 28 июль куни Ўзбекистон Республикаси инвестициялар, саноат ва савдо вазири Лазиз Кудратов “Alpac Capital” инвестиция компанияси бош ижрочи директори ва “Euronews” кузатув кенгаши раиси Педро Варгас билан учрашув ўтказди.
Учрашув давомида молиявий соҳадаги шериклик истиқболлари, хусусан, “Alpac Capital” компанияси билан ҳамкорликда Ўзбекистонда инвестиция лойиҳаларини молиялаштириш имкониятлари муҳокама қилинди.
Alpac Capital — 2013 йилда ташкил этилган португалиялик инвестиция гуруҳи бўлиб, турли минтақалардан молиявий ресурсларни жалб этиб, уларни Европа бозорларига йўналтириш билан шуғулланади. Компания кенг турдаги активларга сармоя киритади ва портфелидаги корхоналар ривожига бевосита жалб этилган фаол инвестицион ёндашуви билан танилган.