Хитой компаниялари билан Ўзбекистонда самарали ҳамкорлик ва технологик интеграция йўллари муҳокамаси

Турли соҳаларни қамраб олган етакчи Хитой компаниялари — Chison Medical Technologies, China Resources Pharmaceutical Group, Norinco, Hangzhou Miuge Chemical Commodities Science and Technologies, Xiamen Tungsten, Shandong Gold, Contemporary Amperex Technology, Great Wall Motor, Origin Quantum, China Aerospace Science and Technology — билан бир қатор мазмунли ва самарали учрашувлар ўтказилди.

Учрашувларда барча йўналишларда ўзаро манфаатли ҳамкорликни йўлга қўйиш, илғор ишлаб чиқариш қувватлари ва юқори технологияларни Ўзбекистонга жалб этиш, маҳаллий мутахассислар салоҳиятини ошириш ҳамда мамлакатни минтақавий ва глобал таъминот занжирларига самарали интеграция қилиш масалалари муҳокама қилинди.

Хитой компанияларининг Марказий Осиёнинг жадал суръатларда ривожланаётган бозорига кириш борасидаги самимий қизиқишлари юқори баҳоланди.