Бахтиёр Саидов Грузия Президенти билан учрашди

Ўзбек дипломатияси раҳбари Президент Шавкат Мирзиёевнинг ҳамкасбига самимий саломини етказар экан, икки давлат ўртасида шаклланган ўзаро англашув ва ишонч муносабати юқори даражада эканини қайд этди.

— Грузиянинг улкан ҳамкорлик салоҳиятини юзага чиқаришга интилишини қадрлаймиз, — деди мамлакатимиз вакили.

Томонлар шериклигимиз айниқса сиёсий, иқтисодий ва маданий-гуманитар йўналишларда изчил ривожланаётганини тасдиқлади.

Ташқи сиёсат идоралари ҳамкорлигига алоҳида эътибор қаратилди. Ўзбекистон ва Грузия халқлари фаровонлиги йўлида амалий натижага эришиш учун барча ресурслар фаол сафарбар этилаётгани таъкидланди.