Боку шаҳрида Ўзбекистон-Озарбайжон савдо музокаралари
2025-07-02 11:45:00 / Янгиликлар
2025 йил 1 июль куни Ўзбекистон Республикаси делегациясининг Озарбайжон Республикасига расмий ташрифи доирасида Боку шаҳрида Озарбайжоннинг етакчи компаниялари билан икки томонлама ҳамкорликни мустаҳкамлашга қаратилган қатор учрашув ва музокаралар бўлиб ўтди.
Музокаралар якунида сут маҳсулотларини ишлаб чиқариш ва қайта ишлаш, кимё ва электротехника саноати, юқори кучланишли кабеллар ишлаб чиқариш, уй-жой қурилиши ҳамда қурилиш материаллари ишлаб чиқариш каби иқтисодий ҳамкорликнинг устувор йўналишларини қамраб олган икки томонлама ҳужжатлар имзоланди.
Эришилган келишувлар Ўзбекистон ва Озарбайжон ўртасидаги кўп қиррали шерикликни мустаҳкамлаш йўлида муҳим қадам бўлиб, қўшма лойиҳаларни амалга ошириш ва инвестициявий ҳамкорликни кенгайтириш учун янги имкониятлар эшигини очади.