Ўзбекистон–Италия саммити: аграр соҳада икки томонлама ҳамкорлик масалалари муҳокама қилинди

Саммитга тайёргарлик жараёнида бир қатор вазирлик ва идоралар вакиллари ўз йўналишлари бўйича Италия томонининг тегишли тузилмалари билан ҳамкорлик учрашувларини ўтказмоқда.

Ана шундай учрашувлардан бири Ўзбекистон Республикаси Қишлоқ хўжалиги вазири Иброҳим Абдураҳмонов ҳамда Италиянинг нуфузли Cонфагриcолтура ташкилоти витсе-президенти Лика Бронделло, Тусcиа университети проректори, профессор Алваро Маруччи ҳамда Италия Миллий тадқиқотлар кенгаши (CNR) директори Алдо Сериоттилар ўртасида ташкил этилди.

Самимий руҳда бошланган мулоқот давомида қишлоқ хўжалиги соҳаси бўйича таълим ва илмий фаолиятни ривожлантириш, талабалар алмашинув дастурларини ташкил этиш, Ўзбекистонлик агроном мутахассисларининг Италия илмий марказларида амалиёт ўташини таъминлаш, Оролбўйи минтақасида амалга оширилаётган экологик ва агротехник қўшма лойиҳалар доирасида ҳамкорликни янада мустаҳкамлаш масалалари муҳокама қилинди.

Учрашув якунида икки томонлама ҳамкорликни янада мустаҳкамлаш, аграр соҳадаги илмий-тадқиқот ва инновацион салоҳиятни оширишга хизмат қилувчи қўшма ташаббусларни илгари суриш бўйича аниқ режалар белгилаб олинди.

Мазкур музокаралар Ўзбекистон–Италия стратегик шериклигининг қишлоқ хўжалиги йўналишидаги амалий ифодаси бўлиб, барқарор ривожланишга хизмат қилувчи ташаббусларни қўллаб-қувватлашга қаратилгани билан аҳамиятлидир.