Хитойнинг энг йирик электротехника ишлаб чиқарувчи заводига ташриф буюрилди ҳамда ASUS маҳсулотларини Ўзбекистонда ишлаб чиқаришни йўлга қўйиш масалалари муҳокама қилинди

Шунингдек, компаниянинг ноёб замонавий технологиялари тўғрисида маълумотлар олинди.

Шундан сўнг бўлиб ўтган музокара чоғида Pegatron бош менежери Лин Ёнчин, бошқарув директори Жу Южан, ASUS гуруҳи компьютер технологиялари бош менеджери Гао Сиян ва Zedjian савдо банкининг Chunsin филиали бош директори Ван Юнкун билан ASUS маҳсулотларини Ўзбекистонда ишлаб чиқаришни йўлга қўйиш, ушбу йўналишда малакали кадрларни тайёрлаш ва компьютерларни имтиёзли шартларда сотиб олиш имкониятлари муҳокама қилинди. 

Учрашув сўнгида ASUS компанияси вакиллари томонидан таклиф этилаётган ҳамкорлик йўналишларини ва Ўзбекистонда ўз маҳсулотларини ишлаб чиқаришни йўлга қўйиш масаласи қўриб чиқилиб, ҳамкорлик шакллари бўйича таклифлар тақдим этиши маълум қилинди.

Маълумот учун: Pegatron заводи ASUS электротехника махсулотларини махсус технологиялар асосида ишлаб чиқарувчи, Хитойнинг дунёга таниқли энг йирик компанияларидан бири ҳисобланади. ASUS гуруҳи дунё бўйлаб 20 минг ходим, 5 минг нафар малакали тадқиқотчилари ва 10 дан зиёд электротехника маҳсулотларига эга. Дунёнинг ТОП-300 га кирган энг нуфузли компанияларидан бири ҳисобланади. ASUS компьютер маҳсулотлари сифати бўйича дунёда Apple компаниясидан сўнг иккинчи ўринни эгаллайди. ASUS технологиялари Tesla компаниясининг автомобилларида ва “Mir” биринчи космик станциясида қўлланилган.