Яшил ҳафталик — 2024": Германия билан ҳамкорлик ривожлантирилади

Кўргазма доирасида Ўзбекистон Республикаси Қишлоқ хўжалиги вазири Иброҳим Абдураҳмонов ҳамда Германия Федерал озиқ-овқат ва қишлоқ хўжалиги вазирининг Парламент давлат котиби Офелия Ник ўртасида учрашув бўлиб ўтди.

Учрашувда Иброҳим Абдураҳмонов Берлинда ташкил этилган кўргазма юқори савияда ташкил этилганини алоҳида мамнуният билан айтиб ўтди. Бундан ташқари Германия давлати билан қишлоқ хўжалиги соҳасида икки томонлама ҳамкорликни ривожлантириш масалаларига тўхталар экан, Иброҳим Абдураҳмонов илм-фан, замонавий технологиялар борасида ҳамкорликни ривожлантириш муҳим эканлигини таъкидлаб ўтди.

Ўз навбатида Офелия Ник қишлоқ хўжалигида Ўзбекистон билан ҳар қандай истиқболли ҳамкорликка тайёр эканлигини билдириб ўтди.

Учрашув якунида икки томон вакиллари ҳамкорликни ривожлантириш борасида бир қанча таклифларни билдирди.