Фарғонада замонавий пахта териш машиналари йиғилади
2024-01-19 15:15:00 / Янгиликлар
Хитойнинг “Shandong Swan Cotton Industrial Machinery Stock Co. Ltd” компанияси юқори технологияли қишлоқ хўжалиги машиналари ишлаб чиқаришда етакчи саналади.
Айниқса, унинг замонавий пахта териш машиналарига талаб ортиб бормоқда.
Фарғона вилоятига ушбу компаниянинг пахта териш машиналарини нафақат олиб келиниши, балки шу ернинг ўзида йиғиш, ўқув ва сервис хизматларини ташкил этиш режалаштирилмоқда. Вилоят хокими Хайрулла Бозоров билан Ванг Хин Тинг бошчилигидаги Хитойнинг “Shandong Swan Cotton Industrial Machinery Stock Co. Ltd” компанияси вакилларидан иборат делегация учрашувида шу ҳақида маълум қилинди.
Учрашув якунида Фарғонада замонавий пахта териш машиналарини ишлаб чиқаришга келишилди.