Ўзбекистон-Грузия: Зайтун етиштиришда янги ҳамкорлик алоқалари ўрнатилмоқда

Унда икки томонлама ҳамкорлик алоқаларини ўрнатиш, янги лойиҳани амалиётга жорий этиш борасида муҳокама олиб борилди.

Учрашув аввалида икки давлат ўртасида қишлоқ хўжалиги соҳасидаги савдо-иқтисодий ва илмий ҳамкорлик алоқалари мустаҳкамланиб, ривож топаётгани, хусусан, узумчилик, виночилик, аграр таълим, фундук ёнғоғи ва зайтун етиштириш борасидаги янги ҳамкорлик алоқалари йўлга қўйилаётгани таъкидлаб ўтилди.

Георгий Сванидзе бугунги кунда Ўзбекистон ҳар жабҳада ривож топаётганлигини, шу ўринда қишлоқ хўжалигида амалга оширилаётган ишлар, янгича технологияларнинг кириб келиши, Европа мамлакатлари билан ўзаро тажриба алмашиш борасидаги амалий ишларни кенгайганини эътироф этиб ўтди.

Мулоқот давомида мамлакатимизнинг иқлим шароитидан келиб чиққан ҳолда зайтун кўчатларини тажриба тариқасида экиш ва шу асносида янги лойиҳани амалиётга жорий этиш масалалари муҳокама қилинди.

Ўз ўрнида, экологик тоза ишлаб чиқариш усулларини яратиш ва жорий этишда, шунингдек, бу каби лойиҳаларни қўллаб-қувватлашда юртимиз ҳамкорлик қилишга тайёрлиги айтиб ўтилди. 

Учрашув сўнгида Иброҳим Абдураҳмонов компаниянинг ҳамкорлик бўйича таклиф ва ғоялар тинглашга, конструктив мулоқот ўрнатишга ҳамда Қишлоқ хўжалиги вазирлиги ваколат доирасида ёрдам беришга тайёрлигини маълум қилди.