Аграр соҳадаги ҳамкорликнинг янги босқичлари

Унда, “Better Cotton Initiative” компаниясининг глобал пахта ишлаб чиқариш, пахта саноатини ривожлантириш соҳасидаги тажрибасини Ўзбекистонда татбиқ этиш ва мазкур соҳада икки томонлама ҳамкорликни ўрнатиш ва келгусида илмий тадқиқот институтлари олимларининг малака ошириши бўйича дастурлар ишлаб чиқиш масалалари муҳокама қилинди.

Айтиш керакки, “Better Cotton Initiative” халқаро уюшмаси 2009 йилда ташкил этилган бўлиб, дунёнинг 22 давлатида, жумладан, Ўзбекистонда фаолият юритиб, дунё бўйлаб 2,8 миллиондан ортиқ фермерлар фаолиятини қўллаб-қувватлаб келмоқда. “Better Cotton Initiative” халқаро уюшмаси 2023 йил 30 май куни Ўзбекистон Республикаси Адлия вазирлиги томонидан рўйхатга олинган.

Маълумот ўрнида, компаниянинг Европа, Африка, Осиё ва Яқин Шарқда 5 та ваколатхона ва филиаллари мавжуд бўлиб, соғлиқни сақлаш, ресурсларни тежаш ва ҳуқуқий хизматлар бўйича турли ташкилотлар билан ҳамкорлик алоқаларини ўрнатган.

Музокаралар натижасида томонлар самарали ва конструктив ҳамкорликнинг амалий жиҳатларини келишиб олишди. Бу эса, республикамизда аграр соҳада кўп қиррали ҳамкорликни кенгайтириш, пахта саноатини янада ривожланишида туб бурилиш ясалишига туртки бўлади, албатта.