Рақамли технологиялар вазири Шерзод Шерматов Канаданинг Ўзбекистондаги элчиси (қароргоҳи Москва шаҳрида) Элисон Леклерни қабул қилди.

Канада элчиси Ўзбекистонда рақамлаштириш, телекоммуникация соҳаларида амалга оширилаётган улкан ўзгаришларни юқори баҳолади.

Учрашувда рақамли иқтисодиёт, IT-таълим, IT-хизматлар экспорти соҳаларида ҳамкорликни йўлга қўйиш ҳамда мавжуд имкониятларни янги босқичга олиб чиқиш бўйича истиқболли йўналишлар кўриб чиқилди.

Шунингдек, Ўзбекистонда IT соҳасида яратилган шароитлар, хорижий компаниялар учун берилган имкониятлар, IT виза ва бошқа имтиёзлар ҳақида тушунтиришлар бериб ўтилди.

Учрашувда Канада элчихонаси орқали ҳамкорликда хорижий етакчи IT компаниялар билан ҳамкорликни йўлга қўйиш ва улар билан қўшма лойиҳаларни амалга ошириш масалаларига алоҳида эътибор қаратилди.

Манба: Ўзбекистон Республикаси Рақамли технологиялар вазирлиги